GOMUG
Sornlota Yéin
(i)
Ngokké gomugsé tadpon gomugé
Ruiné pínéké ru:namé
Babi naniké oténamé
A:ng gédanna lula:do lukéng kadopé
Do:nyi: po:lo du:doso
Ain murekong unkampé unnyépé
A:né asi bidkampé didyépé
Tani: nappa lokké tadpo tadanpé
(ii)
Ngokké gomugsé tadpon gomugé
Adi: di:rung aralokké
Se:kai mari ringgom tadkinnyé
Gípí dagpi langku:ma:la jenggom
Jétadsulayé naniké gomugki
Ídilai mé:dir mésongko menggom
A:ng ara:bolok mé:namém
Lusar sulado lukéng kadope
Oi ni:tomki, anu ni:tomki, yabanki,
Kabanki, marí: rimanna
Asin médírém dodipé dímodung
Amig sikurki yumdí rodípé
Ngokké gomugsé tadpon gomugé.
No comments:
Post a Comment