Aríg

 Aríg

Jugeswar Lagachu

Lekelo ta:to ya:yoke

Léddo:pé ba:bu o:ké

Gené aríg la:mté

Kangkinsulai kajé .

Alab kama:n ayir péttadé

Adíém ka:la dédag

Lomna daropla mamuksuto .

Arigé lígangé

Bé:lupné asin di:ma:bonné

Mukkangé dumdum mandak

Yariyé yirdak

Pédongé yappém pidak

Rígnébulukké birkup birlapla: so:mané

Polo: ité dísangé

Ngom ka:to ngom ka:to

Sísa:n a:mbí mímbíré

Guné asiném moyaddag

Pédong , ésar dokké do:nyibulum

Goklígla bí midangém modak

Odok lédudo bí amirro du:dag

Térém polo:do bí

Omma:ng ola dumgag urumsula

Awínémpé undag

Opan okumdé unlupyépé

Mé:po mé:nganyépé

Awín yaméngé gía:la

Ali a:yé lígangésin í:ryépé

Purang , nogin po:ro lenna .