Ngo Nanditabí Ludung
Anuj Otsur Pait
Édé tani: doné tani::dé
Sé:sin mokonalokké
La:len kunamém mé:yok
Bím okkelígla mokepé lagida
Ngo réngama Nanditabí
Ngo Nanditabí ludung .
Ngokké asin mé:nam abarungko
Gerpénam dungkang
Aík légangé
Réngam légangé
Ngo Nanditabí ludung .
Ajon lédulo lékordo
Korríng dungkang
Ajon yírkolo yírse
Semanníng dungkang
Édé asin kaman tani:dém
Ru:nébí:sin ettu:pé lagida
Ngo Nanditabí ludung .
Collegelo porainépé ige:la
Ainé tani:pé ammangém
Béttémolíng dungkang
Owé ba:bumé mé:pola
Turmolíng dungkang
Aiman tani: kírí:dém
Aimolíng dungkang
Turdagso gerpénam
Gasumpé sumténgído dungkang
É ngo Nanditabí
Ngo Nanditabí ludung .
No comments:
Post a Comment