সোৱনশিৰিত সোণ বিচাৰি
ৰঞ্জিতা ৰাণী বৰা
গুৱাহাটী
সোৱনশিৰি অ সোৱনশিৰি তোৰ বুকুত
আছিল বোলে সোণৰ জিলিকনি
ককাৰ মুখত শুনিছিলো
তোৰ বালিত বোলে সোণ জিলিকিছিল
আজি বাৰু সেইবোৰ কত হেৰুৱালি৷
বাপতিসাহোন বিহুটি এৰি
তোক চাবলৈ এই বহাগত মেলিছিলো ধাপলি
আজি তই কত হেৰুৱালি প্ৰকৃতি সৃষ্ট
তোৰ সেই ৰুপ লাৱণ্যৰ জিলিকনি৷
যান্ত্ৰিক যুগৰ মানৱ সৃষ্ট বিজুলীৰ উৎস
গেৰুকা মুখৰ বান্ধত তই হেৰুৱালি নেকি
তোৰ প্ৰকৃতিৰ ৰুপ লাৱণ্য?
সোৱনশিৰি অ সোৱনশিৰি তোৰ বুকুত
সোণ বিছাৰি খালো হাবাথূৰি ৷
No comments:
Post a Comment