RÉNGAM LÉGA:PÉ AGOM PRINYIKO
Mg. Raju Kumar Narah
Sé mo:díso tani: dungkoso ai kangkanpé turra du:pe émmílo tani:é tani:pé mé:mínsupé lagiyepé. Asin ayangém, ngasod ayirém kangkin mínsula akon-akoném kangka mínsula du:pé iyé. Odokkésin ajja:né-botténém ménggésunammko du:yartípé iyé. Odolo:pak tani: réngamdé pu:po-jarpo:la ír-pongkírla turyarla du:yé. Édém ainé tani: réngamko émna lulado. Tayongké agomté lekelok tani:é abíg-abíg aré:ém méngkinla agerém gerbomdungai. Émpila lekelok ager appí:lo dungai aré. Lekelok réngam donamé, tínamé dírbí:é-dírlabé tani:é-taworé, mirém-ré:La ír-pongkírla dungai. Kapila:né émnyémílo lekelok tani:é abíné ameném kapé ayapé lagidoji manggom amenédé- abínédém kapé gokpé lagido:ji, ayirlok arém kapé ménggabla igap-mongappé idoji appídém kindungai. Odolokké réngamlok gerpénam agerlo kadungai tarungé. Édé tarungdém Do:lulok ménngésunam Do:lung MIgom (Ga:m) dé la:lenbidunngai. Bím réngamé ménggésudungai. Bíkké agomém aipé taddungai. Se:kai momur imurém imílo imurnam agerdém ka:la Alíg (Fine)ém la:dungai, manggom anyisudopé émla Do:lung réngam ara:lo dumíd ratkudla,tídjok-tídrogla yamdungai. Odokokésin bikké imurém ka:la bím do:lung réngam dokké ditag annyi-aumko:pé atérpé lé:dungai. Édémbulum pésola leke:lokké tani:é aimané agerém germangai.
Sukké tani: kídí:sé ao:-ommangém bojéko obomdung, dungko dakko kama:pé igédung. Lédu-lédu:pé aso:-aso:pé tani: réngamsé tani:é bojé-bojé:la gídung. Donam-tí:namé pínggé sumapé idung. Réngam ara:lo dungko-dakkoé kama:pé igédung. Lédu-lédu:pé aso:-aso:pé tani: réngamsé tani:é bojé-bojé:la gídung. Donam-tí:name pínggé suma:pé idung. Réngam ara:lo dungko-dakkoé kama:pé igédung. Émnamé sé:kosin sé:komé ménggé suma:pé idung, sé:kosin sékkai agomém tadma:pé idung. Botté-adja:ném kangkin mínsuma:pé idung, akoné-akonlok kapé rodla dope idoji, kapé dopsola/rakula dopé idoji édé appí:dém lukai-gíkainamém ka:padung. Ainé agerémpéyang-aima:né agerém gernamsé bojéyadung. Anu-abu kídí:gomsiné ao:ommangko luyir-gíyirnamko katokuma:bong. Sekai-sekai luyir-gíyirdunggomsinéi bulukké agomém tadma:pé idu:bong. Lupé lumilo “Su:pak tani: asin ara:lo aimané taréko buga:dung Édé tarédé mopídnané kusere:ko kamapé idunug. Mé:mila ka:mila sé tarésé réngam ara:ngísokké momur imurnam agerlok buglenné tarré.”
Sém aimokunam kusere:dé akongko. Édé kusere:dé ‘asin ayang kusere:’ dé. Kapéné aping tani:lok asino:dok do:yingé. Asindé ainamdém mé:mílo appí:péi aido. Akoné ainamdém méngge:lam akoné aimanamdém mé:milo kaboma:ye. Appíngéi rélékpé ainamdém mé:payé.
Réngam ara:lo édémpé asiném aido:pé mé:monam léga:ngé. Ané-abu kídí:dé agjadokké:bo aí-aíké ao:-ommang kídídém ainé ainé agomém, ainé gílodém-daglodém appíngém luyirla-giyirla gíbomílo réngamso aimané tani:é kama:yé. Okolai aimanamko ka:padunggomsin édémbulum aíngké émna mé:sula luyir-moyirbommílo airu:pé aiyé.
Sé mo:dísok tani: appíngé agerém ang dígla, asin olígdanna ménggabla agerém germílo mirém-rémla ír-pongkírla du:do. Sekai alag lakkulupsula du:la turla du:lama. Sé modiso turla du:pé mé:mílo asin dígla ager gerpé lagiyé. Édémpé ager gerla turla du:nado:pé ru:líktag. Bíkké ru:lígnam sé appí:sém ngolu mé:na-gerna ma:mílo turla du:namsokké oko arésin kama.
Édé agom kídí:dém aping tani:é mé:mila kangge:lam agerém ménggabla gerrobbommílo aropésinéi tani: réngamsé ír-pogkírla aipé kangkanna du:yé. Ru:né-píné, Do:nyi-po:lo, karsing-kartang odokké rugji-me:rang bulu appíngé mé:pola aipé asin asengém seglígyé:pé.
Réngam,
“ Ngolu kangkinmínsulai
Ngolu lékopé agerém gerlai
Asin ayangém bimínsulai
Dungko modisém mopu:sulai
Tani: émna turla du:lai.”
No comments:
Post a Comment