SINAMSÉ

       Jiten Noro

méyum ma:yibo ngo sikang

No gídungai lomgésula ngok kéra:lopé

Kampo to:ti:né po:pírpé ila

Dígín tangaré írpu:nam adi jili:lok

Gabi:né tapum gasorki

Pungkom líkto ngok ansí:yag émné siné amírsém

Nok miksiri:né amigdok díyi:né

Mullangém tí:la ngok mé:posuné po:sumdé

Nom lupa:sudungai-

Sa: ddu:po:la:bong mé:bomsunama

Ngo gípo:dakkubong

Ngo gípo:dakkubong !

Nok ko:piyang dosubné dumíddém dumsarsula 

Kabaném bandungai

_"oiya néngané néioi néngané

Oinom néngané ngantíd bomdu:né

Kinpo suya:míl ka:po suya:míl

Oinom po:yatpé yadbom momangai oiya! "

No pa:ro sa:né kísapé dosuptídungai 

Ngok migle:né amigé:lang ladde:né migmoso

Ah! 

Pa:la:ma:nam édé oko ayangan ?

Singgi: gimur kísapé 

Dé:pé dé:pé madungai

Ngok gípéya-gíma:péya iné po:sumdé

Émpidoém ga:né néta:lok simadné si:lu:pé ila 

Nok kabané ngom banyutto

Dédémpé ngo kinsutoku

Su:pag ngo mé:mi:dungku

Ah ! sinamsé:sin éddíko 

Ka:po kanggírdagji !!