স্বীকাৰোক্তি

               দীপিকা ফুকন

                        গোলাঘাট 

            

অলপ আড়ষ্টতা

চাওঁ নে নাচাওঁ

মাতো নে নামাতো

এনেকৈয়ে..

পুহ নে মাঘ মাহৰ

কোনটো আবেলিত জানো

তোমাৰ হৃদয়ৰ নঙলাত

আৰি থৈ আহিছিলো 

মোৰ কেঁচা কলিজাটো

তেতিয়াৰে পৰা

তোমাৰ ভাললগা

প্ৰতিটো কামেই

মই কৰিছো

তোমাৰ দাবীতেই গাঁঠিচো 

শব্দৰ মালিতা

মোৰ কবিতাৰ ভাজতো

তোমাকেই পাবা

মোৰ হৃদয়ৰ প্ৰতিতো কুঠৰিতে

খোদিত হ'ল

তোমাৰ প্ৰেমৰ শিলালিপি

ইয়াক নোমোছিবা

এনে হ'লে

তোমাৰ প্ৰেমত উন্মাদ হৈ

মই হেৰায় যাম

নীলাৰ পৰা সীমাহীন আন্ধাৰত।।        

                 ফোনঃ ৯৫৩১১২১৩২৮