AMI RAYOD LOOKKÉ AÍKÉ RAYOD LO:PÉ

Nirmol Noro

   Réngam léga:pé sékkésin tolíg lulígém lagimang. Aíké Na:néké léga:pé angupé lukerém lagimang, lagidag aíké nok asin mé:jong méngkiném.

   Bharotsé ngolukké aíké mo:rumé. Bharot mo:rum ara:sok ngolu osom mo:di ara:so du:né tanié. Bharot mo:rum ara:so gasumkopé tanié yonnusula dung. Mising  tani kídí:sé Bharot mo:rumsok Osom mo:di ara:so du:né tani é. 

England bok british tanié Bharot mo:rumso tarnam légapé jahas lok gísangge:la tarnam tarténg lédulo aso aso:pé Bharot sém rayodém dobomkang. Britise tani kídíngé Bharotsok takam mo:di moléglo rayodém dobomla buluké kéíglo takamé du:pénampé ikang. Bharot mo:rumsok du:né taniéanong kajonang dok té:pésin appíng attaarlokké khajonangém la:bomdungai édémpila buluké kéíglo kapé éddíko khajonag attíém bila du:yen émla Bharot mo:rum sok pinyo burné tani kídíngé britisé lédulo mimangém morobbomkang. Mimangém mola mola gasum tanié maka:nolo du:pa:to. Aké Bharot mo:rum léga:pé mo:bo lo:yid ila sikang. British lédulo ajeng je:la  mimang mogéboné kídí:lok Mohatma Gandhi, Jwarlal Neheru, Lalbahadur Sastri, Phokoruddin Ali ammot Hajorika, Subash sonro Bosu, Gopinath Bordoi Sorujini Naidu, Konoklota, Bhugeswari Pukononi Konoklota Mukundo Kakoti, Moniram Dewan lang komola Miri bulu. Édé mimang tarung kídí:do sabla sabamla:ma:pé gasum tanié British lédulo mimangém gasum logéko moantíla du:la 1947 lok 15 Agosto logédo Bharotsé swadinota pa:toku. Édé longédokké Bharot sém aíké tanié

rayodém dogabsula dokangku.