বিশ্বাস
পূৰৱী ফুকন
গোলাঘাট
তেওঁ মোক বিশ্বাস নকৰে
মইও তেওঁক বিশ্বাস নকৰো
বিশ্বাস বৰ ডাঙৰ শব্দ
এবাৰ হেৰালে দ্বিতীয়বাৰ ঘূৰাই নাপাই
সেয়ে বিশ্বাস নকৰাই ভাল
মনালিছা মোৰ কাষত বহি আছিল
হাঁহিটো বেৰত ওলমি আছিল
তাই চুৰকৈ মোলৈ চাইছিল
মই বেৰখন কপি থকা দেখিছিলো
অমাৱস্যাৰ ৰাতি জয়াল সময়খিনি মোৰ চকুত ওলমি ৰৈছিল
শালিকী এটাৰ মাতত মই চকু খুলিলো
সুৰ্য্যমুখী ফুলবোৰে হাহিঁ আছিল
মোৰ বিশ্বাস হৈছিল যে
শালিকীৰ মাতটো সচাঁ
সূৰ্য্যমুখী ফুলবোৰ সচাঁ।
অৱশেষত,
মোৰ বিশ্বাস হৈছিল যে
তেওঁ মোক বিশ্বাস নকৰে
মইও তেওঁক বিশ্বাস নকৰো আৰু
বিশ্বাসৰো নিজস্ব বৈশিষ্ট্য আছে।
No comments:
Post a Comment