ভালপোৱা সঠিক ঠিকনা বিচাৰি

লহৰজ্যোতি মৰাণ

কাকপথাৰ, উৱন

বাস্তৱতাৰ পৃথিবীত বিচাৰি ফুৰো

ভালপোৱাৰ প্ৰতি ছবিৰ সঠিক ঠিকনা;

এইয়া চাগে ভৰ যৌৱনৰ সময়

এইয়া চাগে গভীৰ প্ৰেমে আমনি কৰাৰ সময়;

নাজানো ভালপোৱা মানে কি? 

নুবুজো ভালপোৱা মানে কি? 

তথাপিওঁ তোমাক চিঞৰি চিঞৰি ক'ব মন গৈছে;

মোৰ ভালপোৱাৰ সঠিক ঠিকনা! 

সমান্তৰাল ভাৱে ভয়ো লাগিছে

জানোচা, 

মই দিয়া সেই  ভালপোৱা প্ৰস্তাৱ গ্ৰহণ নকৰিবা;

মই দিয়া ভালপোৱাৰ সঠিক ঠিকনা হয়তো তুমি বুজিও নুবুজিবা ভাও ধৰিবা;

মনৰ মাজৰ গভীৰ ভালপোৱা হিয়া উজাৰি দিওঁ; 

সপোনৰ ৰং বোৰৰ মাজত বিচাৰি ফুৰো ভালপোৱাৰ প্ৰতি ছবি;

তথাপিওঁ নোপোৱাৰ বেদনা 

এইয়াই চাগে ভালপোৱাৰ সংঞ্জা!