সুখৰ বৰ্তমান
দীপিকা ফুকন
গোলাঘাট
বৰ্তমানলৈ চোৱা
যি তোমালৈ চাব
বৰ্তমানৰ সতে মিলি যোৱা
যি তোমাৰ সতে মিলি যাব
বৰ্তমানক আকোঁৱালি লোৱা
যি তোমাক আকোঁৱালি লব
বৰ্তমানক সজোৱা হাঁহিৰে
ই সুখৰ আকৰ হৈ ধৰা দিব
বৰ্তমানক সজোৱা ৰং তুলিকাৰে
যি সুখময় পৃথিৱী দিব
বৰ্তমানৰ পূৰ্ণতাৰ সতে
ৰিজাই চোৱা অতীতক
ক্লেদময় শূন্যতাৰ বাদে
একো নাথাকিব
সমুখলৈ এবাৰ চোৱা
আছে বিদ্যমান
সুখৰ বৰ্তমান।।
No comments:
Post a Comment