বিহ
অংকুৰিতা ফুকন
এদিন চাদৰৰ গাঁঠিত বান্ধি লৈছিলোঁ
এটোপোলা বিহ
আয়ে বাৰে বাৰে সকিয়াইছিল
গাঁঠি খুলিলেই মৃত্যু নিশ্চিত
মোৰ কুমলীয়া মনৰ চুকত
জুপুকা মাৰি সোমাই থকা
ভয়টোৱে পোহৰ দেখিছিল সেইদিনা
আৰম্ভ হৈছিল ভয়টোক
লালন কৰাৰ প্ৰক্ৰম…
আজি কঁকালৰ মেটমৰা বোজাৰ মাজৰ পৰা বিহ টোপোলা
বান্ধি দিছোঁ জীয়াৰীৰ ৰুমালৰ আগত…
আইৰ দৰে সকিয়নী নিদিওঁ
কাৰণ ভয়টোৱে সাৰ পালে
তায়ো ওপঙি ৰ'ব মোৰ দৰে বায়ুশূন্যতাত…
No comments:
Post a Comment