ৰং ফুল
ৰিপুঞ্জয় বৰুৱা ঋমন
অ' ৰং ফুল,
ফুলি উঠিছা মোৰ বুকুৰ শেলুৱৈ পৰা পুৰণি ঘা টুকুৰাত, আবেলি আবেলি ।
তুমি ফুলিলে ডুব যায় বেলি
চোৱানা,
তোমাক চুবৰ হেঁপাহত তৰাবোৰ বৰষুণ হৈ খহিছে
দিনবোৰ নতুন নতুন লাগিছে
বালিমাহী চৰায়ে গান গাইছে ।
মোৰ হাতখনে তোমাক বিচাৰিছে
হাতৰ টিপনিত বনৰীয়া কল্পনা !
যোৱা নিশা ৰেৱতী চাট হাউচৰ কেণ্ডেল লাইট ডেটিঙত;
আন্ধাৰ বাঢ়ি চকুত হাইলাইট হওঁতে,
মৌনতাত বৰকৈ বাঢ়িছিল কাতৰ উত্তাপ ।
প্ৰিয় গৌৰী,
তোমাৰ প্ৰেমত পৰি ৰাতি ৰাতি সুহুৰিয়াই থাকোঁতে
কলিজাত বাজে তুমি পিন্ধা খাৰুৰ গীতিময় হাৰমনিয়াম ।
No comments:
Post a Comment