সোৱণশিৰিৰ মণি
মিনা ৰাম মিলি
ৰজনীকান্তই যুগমীয়া কৰা ঘূণাসুঁতিৰ
পাৰে পাৰে অ'ত ত'ত
কঁহুৱা জাৰণিৰ মাজে মাজে
মূৰ ডাঙি থকা চাং ঘৰৰ
ৰৃঃচিঙত বহি তাঃতই
বতাহৰ ঢাৰ আৰু বৰষুণৰ গোন্ধ লই
দিব পাৰিছিল অৱনৰিত
ঢল অহাৰ আগলি বতৰা ৷
ডাং নথকা দোৱাৰ খুলি
সেই অৱনৰিৰ পাৰতেই
চাং ঘৰৰ গর্ভত জন্মিল
সোৱণশিৰিৰ মণি
টাবু টাইড
অ' মিচিং ডেকাটি —৷
টিপ চাকিৰ ধিমিক ধামাক পোহৰত
পোহৰ বিচাৰি ফুৰা অৱনৰি দগনৌ
টাবু টাইড,জাতিটোৰ
মৰমৰ লিগেচি দাতা হ'ল ৷
আগম কৌবাং হ'ল
দোৱান গুচি ভাষা হ'ল
টাইড চাৰ আগম মিগাং হ'ল৷
বৰষুণৰ শব্দৰ উমানত অৱনৰিত
মাছৰ উজান উঠাৰ কথা কোৱা তাঃতই
তলকিবই নোৱাৰিলে
সৰিয়হ ফুলৰ গোন্ধত সাৰপোৱা
ঘূণাসুঁতিৰ পথাৰখন উদং হ'ল
ভাষা শিকোৱা আগম মিগাং
নোহোৱা হল৷
অৱনৰিৰ দুয়োপাৰে
দুখৰ নির্য্যাস বিয়পি গ'ল৷
ভ্ৰাম্যভাষঃ ৯৩৬৫১৫৪৭৭২
No comments:
Post a Comment