LÉ:BANG
Tuladoi Pa:yeng Taíd
Lo:Tu:do lí:re:la lé:bangko lí:jíg lí:magla lí:lenkang. Lí:tagbí lígémpé lé:ba:dém lomgésukang. Lé:bangém lomgésu:ma. Lomgésula lépodém lélíggo:do:ém lésindém léníg lékorsuto. Longngardokké Lí:tagbí lo:nyi loumkopé lo:tapkangku. Lí:tagbí lo:dém lomsu-lomu lomnango: lésut-lématsulango: létígdém lítírsuto. Lokki Lí:takké létígdé lebe: létsodag. Lokki Lí:takké lambé lo:tu lo:po:pé lo:yit légolok lambém lamkangku. Lí:teimé Lí:tagbí lékkatérém lé:pagge:la lo:yitpakkangku. Límírbí Lí:teimé luyum lujon lukídag. Lí:mírbí Lí:teimé luyum ludaggom luyinla:tokuma. Lokki Lí:mírbí Lí:teimé luní: lupa:tokuma. Légangé Lí:mírbí Lí:teimé lomdanna Lédé:mé la:motoku. Langangkunam lédudo lomdanna Lalumbí loladla ladlenkangku. Lédupé Lí:teilang Lédé:bínyi lékko:pé lambé lamkolo lambosukangku lo:nyiko.
Lédudanpé Lí:teiké lamkudo laddumko ladlenkang. Ladlenna lamkudok laddumí:dokki lugé: lupo:la longékoném lo:yitkangku.
No comments:
Post a Comment