NOK GÍDAKKUDOKKÉ

Tuniram Medak

Kapilaisong no ngom 

Lamtédokkei mépagla 

Bérkutsuma:pé gíkangku.

Ngo jé:tumpé:sin asinbo

Ang Pítané doksiridé 

Edíloibo Kinsuma:pé bínpakkang. 

Nok gídakkudokké

Atér térné méngkiméngadé 

Yinggo:la dung apir apirpé. 

Tíntíbírín kabdo yumédo 

Po:loké Songkidé, 

Bébélénla dung 

A:né ru:yik Jaubondo. 

No Kama:la atér térkodo 

Matala nom abínné asinbo, 

Mé:daggomsin nok Kéra:do:pé

Édílo:sin gísegla gíla:tokuma.

Mé:tom inggangki ursula 

Ayang Pí:ramné yumédé, 

Kéno:la Pago:la dodung 

Ngok asin mo:dibo.