SIDO AYANG Í:RDÍ:ÉM MOÍ:RYE

  Tapan Lal

No kamalai kapiyen

Nok ayang agodé

Sido kangga:pé dung

Ngok lédulo

Sigom simínye émnamko

Appunpé punna dung

Okodéméi imangan

Ayang léga:ngé

Ipénamdéi oko:d dungkan

Ayang léga:pé

Sé:koi kinmanga:n

Ngonnyik ayang agomém.

Ga:ném mala bidné 

Ngonnyik ayangé

Sido lo:dém jula du:doai

Péyi péttang, Ísíng ílíng appíngéi

Ngonnyik ayangém kangkindungai

Sido ngonnyik ayango:ngngé

Lo:dém jula du:doai

Jula jedné asindém

Supak ngo

Do:nyikí losange:l

Sido ayang í:rdí:ém moí:rye

Pítírné asinki kabnam kabanko

No édílai tadbegyepé

No kama:la

Mé:dír mé:sola 

Kaban kablíg kaba:la

Ngo atérong

Kapé oi ni:tom tomla duji.