সম্ভৱত ঈশ্বৰৰ বাট ৰ'দৰ বাবেই সমৰ্পিত
কমলেশ্বৰ কলিতা
এটা কাপত ৰ'দ। মই চুমুক দিবহে পালোঁ -, ৰ'দ পোনে পোনে নাভিত শিপালেহি।
আচলতে নাভিটো মোৰ নাছিল। আইৰ পৰাহে ধাৰলৈ লোৱা।
পিতাই বন্ধকত দিছিল মেঘ অলপ ।
এই যে মেঘ, নাভি আৰু গতিবোৰ -
তোমাৰে মোৰে নহয়নে অনন্য বাট ?
নে মোৰ পৰা তোমালৈ অথবা বাটবোৰৰ পৰা পোখা মেলা আন এটা বাট ঈশ্বৰলৈ;
সম্ভৱত ঈশ্বৰৰ বাট ৰ'দৰ বাবেই সমর্পিত।
ই যেন জীৱনৰ উহ্। ইচ্ছাৰ আদিতম সত্য।
মই তোমাক নেদেখোঁ, তুমি মোক নেদেখা। অথচ মাটিত শিলৰ নিৰ্ভীক আদিপাঠ !
আজিলৈকে আমাৰ কোনেও শুনা নাই।
আমাৰ কোনেও খবৰ ৰখা নাই ।
ফোনঃ 9435862800
No comments:
Post a Comment