মেটেকাৰ ফুল

 

মেটেকাৰ ফুল

জুৰি গোস্বামী শৰ্মা

দৃষ্টিৰে ঢুকি পোৱালৈ কেৱল বিস্তৃত

এক অনামী হেঁপাহৰ ছঁৱি

যাৰ ৰঙে নয়ন জুৰাই

হৃদয় ভৰাই 

অনাবিল প্ৰশস্তিত দুচকুত থৰ হয়,

ইমান সুন্দৰ পানী মেটেকাৰ ফুল !

অস্তিত্বহীন নিজস্বতাহীন তথাপি

মন জুৰণীয়া শীতল প্ৰশস্তি

কোনেও নকৰে আদৰ 

কোনেও নলয় খোপাত

কোনেও নলয় আপাহত

কোনেও আনি নোৰোৱে বাগিচাত,

তথাপি যেন অভিযোগ নাই

বিভোৰ নিজৰ মাজত

সুন্দৰৰ আৰাধনাত ।

পানীয়েই জীৱন যাৰ

পানীয়েই আশ্ৰয় যাৰ

পানী মেটেকা নাম যাৰ।

পাঠশালা, জ্যোতিনগৰ

জিলা- বজালী(অসম)

ডাকসূচাংক--৭৭১৩২৫

ভ্ৰাম্যভাষ--৬৯০১৩৪৭৪৩৮

মেইল--jurigoswami1999@gmail.com