খিৰিকীখন নুখোলোঁ দিয়া
দেবানন্দ পায়োন
এনেকৈয়ে থাকক দিয়া মোৰ এই ৰোমটো
যেনেদৰে আছে তেতিয়াৰে পৰা।
আলনাৰ কাপোৰ খিনি
এচুকত ঠিয়হৈ থকা পুৰণি টেবুলখন
পালেঙখন সেই চাদৰৰ সতে
যিখন তেতিয়াই পাৰি দিছিলোঁ।
থাকক পৰি তেনেদৰে সেই লেপটপটো ও
যিদিনাখনৰ পৰা আছে তেনেদৰে।
ভয় লাগে
কিজানিবা খিৰিকীখন খুলিলেই সোমাই আহিব
উতনুৱা বতাহজাক,
বিশৃংখল কৰিবহি কাপোৰ খিনি
উৰুৱাই নিবহি ধূলিখিনি
পৰি থকা লেপটপ আৰু
সেই টেবুলখনত।
এনেকৈয়ে থাকোঁ দিয়া কাৰেন্টৰ পোহৰত
ফেনৰ ঘূৰ্ণীমান বতাহত।
খিৰিকীখন তেনেদৰেই থাকক দিয়া,
সোমাই আহিব পাৰে মহ, ডাঁহ, চিকৰা।
No comments:
Post a Comment