TOYA:LA DUNG

TOYA:LA DUNG 

                            Shewali Mili

Aso:pé toya:la dung

Ngokké asin a:néso

Nok ayang ollungko

Dua:bomye émna

Beberém darpu mopula métung

Annyi:é ayang ollu:do

Ko:bosupé émna

Ngo éddíko mé:bola du:ji.

 

Toya:la dung édé longédém

Mo:písé yubngaksudodo

Ngonnyio:ng darra

Asin do:ying kíyé

Rongngamné ayirdé

Ngonnyik ayangém o:rímoyé

Ngok asinsé édém éddíko mé:bola du:ji.

Aso:pé toya:la dung

Owé ba:buk aya:démsin kínggíya:né

Nok aya:dém pa:nam léga:ngé

Rodí yumdí:pé

Do:nyi lí:sang-oang kinsuma:pé

Aíwém mé:nyoksu:la

Annyi:é lékola

Ayang a:né biddodopé.