NOK KAKUMA:DODOKKÉ
Anidip Taye
Sidé gené: mo:píso mé:po ménganna turra dungko ara:so
Kapila no pongkokdokké ngom mége:la gíkangkun uyu amo:pé
Nok turra du:dag takamdoi
Mé:pola yirnamséi ngok ajonai
Émpige:la édí:longé dokké no mo:píso katokuma:ji
Édé longé dokkéi
Ngokké mé:po katokumang
Asin arang arangki amme ka:beg ma:dopé
Gígong gígo:la kapgo:la dung atér atérpé.....
Miksisé:sin pédopé ogédung silo amik ru:isokké
No ngom ajjo kosinnéi mé:latsutoman
No kama:mílo ngo kapé du:yékun
Édém no ajjo:kosinnéi méngkin bitoman
Silo nom airu:pé asinang odungku
Nok dumsíg migmodém aipé ngo ka:lídungku
Kapiyén silo ngo sipésin silamang turpésin turgumang
Turyiséi silo élí:pé íla asilo jínga pakkang
Mé:nané asinsé betmíkpakkang
Nok kakuma:dodokké
Mé:pola yírnamsémsin yírkinéitokumang
Tani:pé turnamséi turgutokumang
Kémoné ngok asinsé lolat ladtokumang
Mé:dírbí asinsokké silopé dukpagéitoku:mang........
.jpeg)
No comments:
Post a Comment