MISING KÍLAM

Duyonto Noro

‘Sag’ dém ilígla kínam:- ‘Sag’ dok néríng gompirdé ‘kosag’. ‘Kosag’ dok ‘sag’ dém ilígla kímílo aido. Lukan-

    Éram kosagko/sagnyiko (kosag+annyi)

    Éram sakpi:ko(kosag+appi:) atí atí. 

‘Ríng’ dém ilígla kínam:- ‘Ríng’ dok néríng gompirdé ‘aríng’. Aríng’ arí:pé du:né ía manggom néinénganném ‘aríngdok tayop:pé ‘ríng’ dém ilígla kímílo aido. Lukan-

    Ía-rí:nyiko (aríng+annyi)

      - ríumko (aríng+aum)

      - rípi:ko (aríng+appi:) atí atí. 

‘Bang’ dém ilígla kínam:- ‘Bang’ dok néríng gompirdé abang. ‘Abang’ dok ‘bang’ dém ilígla lunam agomém kído. Lukan-     Agom ba:nyiko(abang+annyi)

    Agom ba:piko (abang+appi:)

    Agom bangumko (abang+aum) atí atí.

 ‘Gag’ dém ilígla kínam:- ‘Gag’ dok néríng gompirdé ‘agag’. ‘Agag’ dé alagdok pí:namko bomgabla:manam atí atí attarém lukanyé. Agag’ dok tayo:pé ‘gag’ dém ilígla kídolo attar amindém mintégla kímílo aido. Lukanpé-

    A:m- agagko/gagnyiko(agag+ annyi)

    Muri gagumko(agag+aum)

    Bali gakpi:ko (agag+appi:) atí atí. 

‘Kong’ dém ilígla kínam:- ‘Kong’ dok néríng gompirdé akkongko. Okum érangém akodok tayo:pé ‘kong’ dém ilígla kído. Lukan-

    Érang ako/ko:nyiko(akkong+annyi)  

    -kongumko(akkong+aum)

    -ko:piko(akkong+appi:) atí atí.

‘Ke:’ dém ilígla kínam:- ‘Ke:’ dok néríng agomdé ‘ake:’. Onno nosorém langkumsula kédolo ‘ke:’ dém ilígla kímolo aido. Lukan-

    Onno nosor- ke:nyiko(ake:+annyi)

            -ke:umko(ake:+aum)

            - ke:pi:ko(ake:+appi:) atí atí. 

‘Longé’ kínam:- ‘Longé’ dok tayo:pé annyi aum-appi: ----émna kípumsula ‘longém’ kído. Lukan-

    Lo:nyi(longé+annyi) 

    Longum (longé+aum)

    Lo:pi(longé+appi:)

    Longo (longé+ angngo) atí atí.

‘Lo:níd’ kínam:- Lo:níd dok tayo:pé annyi, aum, appi: émna lo:níddém kído. Lukan-

    Lo:níd-                      (one week)

    Lo:níd annyi-        (two week)

    Lo:níd aum-        (three week) atí atí.

Po:lo kínam:- ‘Pí’ dokki akodok tayo:pé annyi, aum, appi: émna kípumsula po:lolok adíém kído. Lukan-

    Po:lo apí- (one month)

    Po:lo pí:nyi(apí+annyi)-     (two month)

    Po:lo píum(apí+aum)    (three month)

    Po:lo pí:pi (apí+appi:)    (four month) atí atí.

‘Dítag’ kínam:- Dítag dok ‘tag’ dokki annyi, aum, appi: émna kípumsula dítaggém kído. Lukan-

    Dítagko-        (one year)

    Tagnyiné-(Dítag+annyi)( Di Barkik)

    Tagumné-(Dítag+aum) (Tri Barkik)

    Takpi:né (Dítag+appi:) (Soturto Barkik)

    Tang-ngoné(Dítag +ang-ngo) (Ponsom Barkik) atí atí.

11 dok tayo:pé kíbíg kínam:- 11 dok tayo:pé kíbígém kídolo agom ba:nyiko kadung. Po:pé íyi:dém kíjarra pa:nam kíbíg kídí:dém kinpomílo aido. Lukan-

    10- Íying, 20- Yí:nyi(íying annyi)

    30- Yingum (íying aum), 40- Yi:pi (íying appi:)

    50- Ying-ngo (íying ang-ngo). 60- Yingkéng(íying akkéng)

    70- Yi:níd (íying kíníd), 80- Yi:pi:nyi(íying pi:nyi)

    90- Yi:nang(íying konang), 100- Língko.