MITOM ASIN

Somesor Medok

Biswanath Chariali

Yinggo yinggodo

Mitom asin asopé 

           dungala:mado

Tolopé léko

Bolopé léko dénggodo.

Do:mír-takarlo 

               dénggomíndo

Asing do:ying kído

Karpum-pulilo:sin

                        déngado

Turnan do:ying kído. 

Pa:talo péttang lédulo

Dénggomíndo

Riyappé dé:nam kangkan

                                    ka:la 

Asin aipé mé:pomíndo. 

A:né ru:yudo pi:mug 

        punkolo punmìla

Daktog ésarlo déré 

                  dérkurmíndo

Kolabati mangkolo

Manggomìndo .

Singgi gimur yingkolo

Yinggomíndo

Tagad appunpé

Édíloi punbila du:do.

Appun appunlo dénggola

Turnam píang lamté

                           lukanbido

Jojog punkolo punla 

Bírdug a:nam lukanbido.

Mitom asin aréido 

Mitomké asin narédo 

Takame'm aipé mé:do

Aro agom ludo.

Se:komsin aimap 

                   mé:mado

Takame'm aí:ké  émna 

Ayabomsudo

Se:komsin ammé émna 

                      mé:mado .