MIRÉMDÉ BULUKKÉ

Anuj Yein

Rokom ayirdok do:nyi írga:dé bulukké

Mí:ta:né ísíng ammí:dok apí- a:yédé:sin bulukké,

Ansín ésardé bulukké

Naré:né asídé bulukké

Pirta:né ongodé bulukké

Aríg-among appí:déi bulukké,,,,

Ali bírdug lok punné appin-nok 

Nampo namidé bulukké

Ginmur po:lo:dok yamné yamsa:dé bulukké

Réngam , okumnok ui-ut podé bulukké

Ba:sar kéba:lok Abu ku:pa:dé (kungke:dé) bulukké

Dírbí, Gomlabdok bélam appí:déi bulukké,,,,,

Ngoluk gernam agersé turnan mimagmaneya,

Ngoluk lunam agomsé lungéng kamaneya,

Ngoluk okumém ésaré sarpendag Ngoluk okumém asé bitbomdug

Ngoluk okumno pédongé okaddag

Ngoluk dungko okum-amongém raggo banyak-dag

Ngoluk turra du:namsé turgot tani:séu:maneya,,,,,

Ngoluk agomlok potin kamalai pokaman

Ngoluk ni:tomsé tori: tatpo ma:lai tatkaman

Ngoluk mé:tomsé arré kamalai poman-man,,,,

Ngoluk kumna lunamsé érpagnam attarangéi

Ngoluk dírbísé érpagnam  uga:né ukka:méi

Ngoluk dungko:sé apta gíko lamtéko

Ngoluk dungko:sé símín-síro yemanko

Ngoluk dungko: sé mimag moko lamtéko,

Ngoluk dungko:sé do:mír-yari:lok yumé lamtéko,,,,,

Nulusin kindag,Alag araila mité mirémné Migom lusuné  tani:lok mirémdéi  bulukké,

Doksiri দকচিৰি, জানুৱাৰী, ২০২৩