NOK YALO
Dharma Kanta Kaman
Obonori
Gulap appuna no manggo:la punnamdé arí: nampo:l kangkané
Dígín bírdug a:doém rokom ayirlo rokom tapam yingkadyém asin ansi:dag,asin mé:podak.
Po:lo loladdo takar karnamté ka:po.
Kartang yumédok gíponé po:lobí mamuk suma:némpé
Jun nosin ngok yaloso daksiksugel du:mangarnémpé
Pégnam gulap appundok arí: namku:ma:nampé.
Silo no ngok yalosokké aso: asop..!
Dígín do:nyi ruad ayémílo tapamé yokkampé,
Pédong asi,Do:nyi ruad pa:mam aríg ísíng jarmang.
Aín nok aya:démam
Ngok yalosé turra:du:pémang émgela.
Sulli: amodo gíyém agodé do:dung.
Pédong oyém kaku:manampé,
Jun silo no dakpan sudungku.
Ngok turgotso du:pum sumanggom,
Uyu among turgodbo nom-ngo dakpum suyéku. Nok ayanam aín ko otér.
Doksiri দকচিৰি, জানুৱাৰী, ২০২৩
No comments:
Post a Comment