Píang píkangku

Tuladoi Pa:yeng Taíd

     Pí:píkolibí píang pídodo:bo po:ro po:borko pílígdukku. Po:ro po:bordém pílíggídagla po:pírmé pogo potinémsin poraité:dag. Po:pírbí po:pélokkéboi pogo potiném posumumdagai. Pí:píkolibí:sinéi po:pírmé ponampé pomodag. Porika:do portompé pa:sdopé. Pí:píkolibí pokaikinamo:dém Po:pírmé poraitídagbo. Pétumkélang Pí:píkoli:ké Po:pírbí.Pétumbí po:ro pongka:lo:pé pí:líksumangai. Pítumbí:goméi Po:pírmé pirtapé pomoní:la pogolo pomotung. Pola poledmílo Po:pírbí:gom porpesarla poraiyekupé. Pétumbí po:pélo:bo porima:la ponamém pokinma. Pokinmangki Pétumbí po:pélokkébo porangém puroni pa:tangolo pé:tumdungai. Po:pédo pogo pobugémgom pa:manga:sin ponamémsin pomangai. Pétumbí ponamém pokinma:la popénamém pésodungai. Pétumbí:lang Pí:píkoli:bínye Po:pírké ponanélok pa:namki pakurkurbosudungai. Pí:píkolibí:lang Pétumbínye pédolo:sin pésogéma:pé pakurkurbosudungai. Po:pírbí:gom pokamí:démpé poleddanto. Poledge:la pogolok porainé porpesarékubo. Pí:píkolimélang Pétumé Po:pírbí poledla porpesarla píangko pímotoku.

Doksiri দকচিৰি, জানুৱাৰী, ২০২৩