SÉ:KOM MÉNGGÉSUYÉN

Jiten Noro

Yogyonné yalo kísapé

Mo:písokké aso: aso:pé

Yogyondung méngésunamé.

Méngésuma:nam namdígné augé

Ge:lubbomna ngasod-ngayodmodung

Tani:yém.

Gígé-mogéboné, réné-koné

Toné-pané, atai-ajon

Odokké mé:boné:sinéi yaddag.

Sé:kom méngésuyén ?

Karsing-Karta:no tadlangka

Do:nyi-po:lono ka:langka

Émna pesunamkídídé silo

Taniyém yadnané yongmo: épugé.

Yadnam odokké ménggésuma:nam

Muksubé yí:lubnam mo:písém 

Sé:ko tobiyékun 

Naré:né méngésunam do:mírko ?

Pesunamdogdan tani: takamé Bismobí !

Yadnamdok Okum:bí !!

Doksiri দকচিৰি, মাৰ্চ, ২০২৩