কিলিং নৈ বৈ আছে
জনাৰ্দন পাটৰ মছৰং
কিলিং নৈ বৈ আছে
বহু ইতিহাসৰ সাক্ষী হৈ
কিলিং নৈ বৈ আছে
গোভা ৰজাৰ গৰিমাৰ সাক্ষী হৈ
কিদৰে কিলিঙৰ বুকুত উটি গৈছিল বগা ফিৰিঙি
আজিও আছে বগা কুকুৰ হেৰুৱা ঠাই
উমছোৱাইৰ বাকৰিত
তাৰেই সাক্ষী হৈ বৈ আছে কিলিং নৈ
কিদৰে ইয়াণ্ডাবু সন্ধিৰ বহু বছৰৰ পাছতো
স্বাধীন আছিল গোভা
অৱশেষত কিদৰে বগা ফিৰিঙিৰ বিৰুদ্ধে
সাহসেৰে যুঁজিছিল গোভাৰ সৈন্যই
সকলোবোৰৰ সাক্ষী কিলিং নৈ।
এতিয়া গোভা সলনি হ'ল
ক্ষমতাহীন হল গোভা।
গোভাত এতিয়া পুঁজিপতিৰ হাতোৰাৰ কোব
নিঃশেষ হৈছে ঐতিহাসিক চিহ্নবোৰ
সংকট নামিল গোভালৈ
এই সকলোবোৰৰ সাক্ষী কিলিং নৈ
সাক্ষী হৈ ৰ'ব যুগ যুগান্তৰলৈ…..
Doksiri দকচিৰি, মে, ২০২৩
No comments:
Post a Comment