সমাজৰ কীট
পৰিমিতা গোস্বামী
দুপৰীয়াৰ ভাত সাজ খাই মবাইলটো হাততলৈ বিদিশাই বিচনাত বাগৰ দিছে। হুৱাটচ্এপটো খুলি বান্ধবীয়ে দিয়া ভিডিঅ'টো চাইছে । দাঁত খুচৰি খুচৰি এগৰাকীয়ে টেঁটুৰ গুৰিলৈকে বিয়াঘৰত খাই আহি বিয়াঘৰৰে বদনাম ৰটি আছে। দেখিয়েই বিদিশাৰ টিঙিছকৈ খং উঠি গ'ল। সমাজত এনেকুৱা এচাম আছেই, কামৰ নামত কুটা এগছৰো সহায় নাই ; টেঁটুৰ গুৰিলৈকে এসোপা খাব পাৰিলে টোপোলা বান্ধি এসোপা আনিবও ঘৰত আহি বিয়াঘৰৰে বদনাম ৰটি থাকিবহি । এইবোৰ আচলতে সমাজৰ কীট। ইহঁতৰ বাবেই সমাজবোৰ সঠিক দিশত আগবাঢ়িব পৰা নাই । ভিডিঅ'টো অফ কৰি বিদিশাই বান্ধবীলৈ এটা মেচেজ লেখিলে।
তই চাগে ভিডিঅ'টো বৰ ভাল পালি নহয়নে! মোৰ হ'লে খঙহে উঠিল। এনেকুৱা এচাম সস্তীয়া মানসিকতাৰ মানুহৰ বাবেই সমাজখন টকা-পইচাৰে চহকী হ'লেও মন-মগজুৰে চহকী হোৱা নাই।
মেচেজটো পঠিয়াই নেটটো অফ কৰি তাই শুই থাকিল।
Doksiri দকচিৰি, মে, ২০২৩
No comments:
Post a Comment