জোনাকী পৰুৱা আৰিবা নেকি
হিমাংশু কলিতা
গোলাঘাট
ৰঙা গোলাপ জোপাই লাজতে কৈ যায়
হেৰা দীঘল চুলিকোচা কিয় ৰাখিছা ?
তাত কি জোনাকী পৰুৱা আৰিবা নেকি ?
নে বকুলৰ মালা গাঁঠিবা
গোলাপী উঠত মিচিকি হাঁহি নিগৰে
তিৰ-বিৰ বিজুলী বৰ্ষে
তাতনো আকৌ কমলাৰ লিপস্ষ্টিকটো
কিয় লগাব লাগে
নীলা পাৰি চাদৰৰ জোৰা
লগত গঠা চাৱনি লাজুকীয়া
আলফুল হাত
কোমল পৰসেৰে
হৃদয় খন চুই যায়
মৰম লাহে লাহে।
নিয়ৰ সনা বৰষুণজাক
দুৱৰিত পৰিলে
লাজ পাই
কিজানি মৰহি যায়
সেইযে জোনাকী পৰুৱা পৰা
কোমল হৃদয় ৰ মূখখনি।
Doksiri দকচিৰি, এপ্ৰিল, ২০২৩
No comments:
Post a Comment