সপোন
আশা বৰা মন
ৰহা, নগাঁও
জুই সৰা চকুলোত আশা আছে,
সজীৱতা আছে
আন্ধাৰক নেওচিব পৰাকৈ তিৰ্বিৰণি
বেয়াক দমন কৰিব পৰাকৈ সততা
আৰু নিজক লুকুৱাই থ'ব পৰাকৈ এমুঠি হাঁহি
ভালপোৱা বিশ্বাসৰ বাগিচাখনত
শেষ নোহোৱা শেষ হোৱা
কিছু কথকতা আছে
মৌনতা আছে
আৰু বহুতো সাধুকথাৰ আওতা
সপোনটো বাখৰুৱা নহয়
সপোনটো নিচলা নহয়
সপোনটো খামি-ডাঠ্
সপোনটো শিল-বৰষুণৰ কেনভাচ্।
Doksiri দকচিৰি, এপ্ৰিল, ২০২৩
No comments:
Post a Comment