DOLO: MIKSI
Bhobo Dole:
Do:mír miksé
Díkum-dípa:la díbi:kang
Ngok mo:sannam mo:píso
Guné amírso ayang bila.
Mo:sannam amo:lok
Sanné amíngé gesa:dungku
Tesa:né asse télumdung
Mé:po po:lula metekangé asi taye:do Ukum modung
Sipud putko putkolo pudmínna
Ongo-opumé ko:je paríng ri:dung
Bolop binné asído tolop sa:dung
Édém ka:la
Así péttangé mé:pola ursudung
E:ne péttangé dé:rubdung
Bogoliye tunrubdung
Songgok sola tani:é
Ka:ro rodung.
Adí bi:rígé gíyonsudung
Se:komsin toka:ma:pé
Pé
Do:nyi dongkongé ka:radbomdung
Ngok aki:se sakkebbodungku
Dugjerla du:né dukkumsudungku
Bijjerra du:ne asídé bitkumsudungku
Aso aso:pé o:jinbomdungku
Kuyag yagné do:nyido
Pílad dung
Ansing mala di:rung arunglo pída:dung
Édém ka:la
Gayin-beyinpé mimag monné
Ré:badla ésab ku:dung
Urradla sanoli tubdung
Kingke: ge:la tu:lid lígdung
Angkéd: gesa:suné mimébí..
Gonang kepsasuné migangbí
Édém ka:la...
Ngok asinsé betke-beyyedung
Rong-ngam pésamdung
Madlu lu:la matkuma:bong
Alab labla songku ma:bong
Jeit-jé:maddo ngo atéré
Do:lo miksi dídubong.
Doksiri দকচিৰি, এপ্ৰিল, ২০২৩
No comments:
Post a Comment