TURNAM
Tuniram Medak
Tangar jungabné sarpansuko lambédok Ngok turnamsé gítila gídungai.
Si:tíd sí:sang ngok asinbok
Mékula o:la ménam,
Asin méru bédangko
Appíng kolo:pé unjer líktagai.
Asinbok abín bíríném
Íngkokoi pa:pé émla,
Atí í:r pongkírné mé:bo bonamko
Imang gímangai atíkoté ngo.
Émdaggom asin méru dornédok
Luladém édílo:sin pa:tokuma,
Émla:pak darkoksu:l du:danla
Turnamsok mé:po mé:dír tarongém
Naréngo:pé po:lo loladdo
Orpé me:la:sin orpag la:toma.
Édé mé:po mé:dír taro:dé
Alop aloppé payag bomdag
Ngok turnamsok ayirém.
Doksiri দকচিৰি, এপ্ৰিল, ২০২৩
No comments:
Post a Comment