আমি সকলো অকলশৰীয়া
অনিৰ্বাণ দত্ত
হাৱাজান, লক্ষীমপুৰ
যিটো বেলিলৈ চাই
ৰৈ আছিলোঁ
যাৰ ৰ’দত
ঠন ধৰি উঠিম বুলি ভাবি লৈছিলোঁ
সৰ্বোত্তম কামখিনি কৰি
সৰ্বোচ্চত আছে বুলি
যাক মান দিছিলোঁ
আৰু
চিঞৰি চিঞৰি দহক কৈছিলোঁ
তেওঁলৈ এবাৰ চা
চকু মেল
পিছে শেষত
সব মিছা
আনকি নিজেও
চকুমেলি দেখিলোঁ
কাৰো চকুত চকু নাই
আছে চাতুৰি
নাই কোনো কাৰো বুকুত
এনেয়ে সাজিছোঁ সভাঘৰ
পাতিছোঁ দীঘল শাৰী
সহস্ৰজনৰ মাজতে
তেনেই অকলশৰীয়া আমি।
ফোনঃ ৯১০১৮১০৮৬২
Doksiri দকচিৰি, জুন, ২০২৩
No comments:
Post a Comment