দুৰ্ভিক্ষ জীৱন

 

দুৰ্ভিক্ষ জীৱন

চিন্ময় ডেকা

জলাহ টংলা, ওদালগুৰি

             

সৃষ্টিৰ পাতনিৰে পৰাই

চলি আছে জীৱন সংগ্ৰাম

পেটৰ তাড়নাত 

ঘূৰিছে ফুৰিছে ইফাল-সিফাল

ক'ত ফলমূল

ক'ত বনৰীয়া জীৱ-জন্তু 

ধৰি মাৰি খাবলৈ পাই!

আজিৰ মানুহ ক'ত কি কৰি আছে

কেৱল দুৰ্ভিক্ষৰ কাৰণতেই

যান্ত্রিকতাৰ যুগত 

কি গাওঁত

কি চহৰত

কি নগৰত?

ক'ত জনে দিন হাজিৰা কৰি আছে

ঠেলা-ৰিক্সা চলাইছে

পেলনীয়া বস্তু ডাষ্টবিনত বিচাৰিছে

দেখিলে চকুলো ওলাই আহে! 

অন্য জনে আকৌ,

দুৰ্ভিক্ষৰ বাবেই নিজ জন্মস্থান এৰি 

বিদেশলৈ গৈছে,

ক'ত যুৱক-যুৱতীয়ে

অন্ধকাৰ গলিত ঘূৰিছে ফুৰিছে।

কেৱল দুৰ্ভিক্ষৰ কাৰণেই

গৰাখহনীয়া, খৰাং, বানপানী, ধুমুহাৰ

প্ৰৱল প্ৰবাহত সৰ্বহাৰা হৈ দুদিনীয়া জীৱন হৈ পৰিছে ধন্য।