ভ্ৰমৰ ৰং
বিশ্বজিত শইকীয়া
কাৰ্বি আংলং
বোকা মাটিৰ গান গোৱা এখন হাত
লাহে লাহে ডুবি গৈছে বতাহত,
মৰা গছৰ ডালত উলমি আছে
এপাহ প্লাষ্টিকৰ কপৌ,
এখন শুকান নদীত সাঁতুৰি থকা
এজাক দেওহাঁহ
এইয়া কেইখন মান ছবিৰ ব্যাখ্যা
ছবিবোৰত সানি দিয়া হৈছে
ভ্রমৰ ৰং।
পৃথিৱী যদি এখন ছবি হয়
মানুহবোৰ ছায়াময়া ৰঙৰ ভ্ৰম
আপোন পৰৰ
মৰম সপোনৰ।
ভ্ৰমৰ ৰাগিত নিতৌ সৰি পৰে বেলি
চকু মেলি চাইছোঁ আন্ধাৰ,
দেখিছোঁ কি?
Doksiri দকচিৰি, জুলাই, ২০২৩
No comments:
Post a Comment