ASIN BOGLONG

Dipkesh Kaman

 

Ayang a:né asi:dé billadung

Ayang pongkogdo tédíkpé 

Sensera:pé yaddung í:dé

Sé asin boglong míbangso.

Tolopé:sin ka:yém a:né kekoné 

Bolopé:sin ka:yém a:né kesagé 

Pongkogdo alebko turdípé dung

Asin among alumko 

Mo:légdo boglongpé igela.

Mé:bonam píro pímug appundé 

Asin a:nédo bírkub birlabla 

Pígoso ansin ésarkí sarra:dung.

Boglong ara:so ané ayingko

Rignu amodé rémag rémagla     

Kotérsu:mapé kongadung

Migyabolo:son boglong rísuém

Ko:pak ko:ragla oyuddamkang

Édé mé:bo ayang okum kídídé,

Mé:bo asin do:ying kídídé

Kapiné asin boglongén?

Silo:son píang pígorto:man.

Doksiri দকচিৰি, আগষ্ট, ২০২৩