ASINANG OTÍDAKKU NGO

 

ASINANG OTÍDAKKU NGO

                                     Raju Kumar Narah

                                        North Lakhimpur

Dígín Po:lodok síkír jinkérebla

Gadu gasordém soka-sokamínsula

Yubla do:namdém,

Bedné pétulung gége:lam

Napsi gérgéla alum a:ye momanamdém

Asinang otídakku ngo

So:bo tayodo tedla dungge:lam

Tu:lu tapung munnamdém

Ísíng tayot tedge:lam

Jé:la ni:tom monamdém

Asinang otídakku ngo

Rokom ayirdo a:lém gíla du:dodém

Tatsut-tadludla tadnam ta:suglok

Asin rongki moné torabotik ni:tomdém

Rígu: Moko arígdo yakasiké

Tatpop ni:tom monamdém 

Asinang otídakku ngo

Do:lung rígbo gíkodok

Ajon ngenman sunamdém

Du:né minom so:mandom

Mé:pol sumgol so:namdém

Asinang otídakku ngo

Ongasunam kama:pé….

Doksiri দকচিৰি, ছেপ্টেম্বৰ, ২০২৩