NGOLUKKÉ RÉNGAM
Tarjan Chintey
Dí:tetém ka:yemílo ka:po kangané
Kérapé gígebyemílo ka:sur ka:yuré
Du:ra dagrasunané ugyumé kama:
Opan ané-abu, bíro-bírmangké
Ngasodé yogma
Aki:dém yengkid suge:la gítídung pagbodém
Léko dodung léko mendung
Po:yub okumdo:sin podongé oa:la
Lo:yitko yubdung lo:yitko durobdung
Durobdung porog kogdído
Íkí íkíla dungomdung
Yogmo doné pékkémpé
Sikí sikíla turra:ma:la
Gílíng-kumanggomsin gíté:bodungku
Pírí perené ao ommangém
Se:kom ka:tinsuyen réngama
Se:kom mé:tinsuyen réngama
Kinsuge:la:sin kapila yubnémpé idun ?
Yubngaksuné mensaru:dé
Édílo porog péjabém sogabyen ?
Oko mimagém modun ngolu ?
Oko ru:segem segdun ?
Jarsa:la:mapé jarkí jarkíla du:né
Ma:né rínjisém
Édílo asi pílígla jarsa:moyen ?
Doksiri দকচিৰি, ছেপ্টেম্বৰ, ২০২৩
No comments:
Post a Comment