KAJÉ AJONA
Dusyonto Noro
Kajé ajona
Aín bí:ríg adíso
Yingumdok tayé:pé
Dakorém korra gíla:jé
Anu agom lékorém sígla:jé
Ajona
Yingumdok tu:latpé
Dakorém kormílo
Aín bí:ríg adí-bí miksi díyepé
Agom Migang -ké
A:ngkéngé kiyepé
Ajona
Su:lo:pé lukerkermínsula du:mílo
Paronam bélamém kortidla
Dakorém korpé mé:mílo
Oné anéké agomsé
Édíloi migom appun punyen?
Ajona nouwéi lukítoka
Suwéi punma:mílo
Na:né-ké agomsé
Édíloi migom appun punyen?
Ajona
Lukerém gasum sumtoka
Asin mé:moém yegla lé:toka
Aín bí:ríg adíso
Mising agomsém aínpé imola:jé
Agom Migang -ké ma:nyingé Migom appunpé punnmola:jé…
Doksiri দকচিৰি, ছেপ্টেম্বৰ, ২০২৩
No comments:
Post a Comment