AYANG ABUNG
Joya Medok Doley
Jorhat
Ayangém kinmangai
Kapé idagji
Nom riksudodokké
Ayang abu:lo jínga:l gíkang
Asinsé silo aíképé itokumang
Nommong mago:la gídag
Nok kérango:do
Yumdí rodípé du:lí:dag
No kéra:so du:yémílo
Kinsu kinsula ma:nyingém ma:dag
Aíéi mé:pola
Ayang abu:do punggo:sudag
Ayangé sémpéi idang
Nok po:lém po:sémna
Miksa:l ka:namdé
Ngok asiném ro:yug bomdag
Rémag rémakpé koyém kosémna
Tatpon agom lunamdé
Kinsuma:n asinsém
Simad modag
Topí:tolí:ma:pé imodag
Kéra:so du:yém mé:pol yirmodag
Mo:té:pé gìyém kabla du:modag
Ayangém kinmangai
Kapé idagji
Nom ríksudodokké
Ayang abu:lo jínga:l gíkang
Doksiri দকচিৰি, ছেপ্টেম্বৰ, ২০২৩
No comments:
Post a Comment