MÉ:YUMA

 

MÉ:YUMA 

                   Dipkesh Kaman 

Do:nyik gíko lamtéd mé:yuma 

okkom ila dungkan éi 

Do:nyib,

lipé lísala ka:te ka:rel ka:la 

guné dopid pidyapai.

Télé a:ngkinla dungko ya:meko

mé:yuma nom aipé mé:dungai 

Kapila mé:ngkud su:toman bíréla 

Ya:med,

aipé nom bí ka:liksu:dungapé,

mé:dír yayangola dupé.

Píro pimug appun kenindo mé:yuma 

lésila sékom toyala dunggan

Édé appundém dégmíkla 

Mé:yauma,

ané ruyi:do ka:po:pé punyapé 

ésar lédíl birkup birlabla.

Bérog asiném bomla ayang sitong do:

Oko aiman ayangko bidmo:kan 

sitong a:rad,

aiman asid ba:bud-ba:yud su:mokan

Kinsuman,aíkisap dun ya:mém 

Aipé simad madmo:ton.

Doksiri দকচিৰি, ছেপ্টেম্বৰ, ২০২৩