AGOM ABU

Anu Do:ying

AGOM ABU 

Someswor Medak 

Biswanath

"Si:lo alé kidag, yampo í:ong kidag, ro:ye i:pang kidag ; kapiyen  miné-míjiyekum appíngéi kikín-kimíndag, émpila aíé lomdanna silí:dakkubo."  Mékél Médokbí luto.

"Ba:bubí okkoméi lugodaksong,aso:é du:to , nokké a:ye kinam,alé-alag kinam aiyeku, no mé:pé lagima." Omé Kangkanbí lutíd-lukatto.

"Sa:ra, no éddíko lomla sima, ngolu nom simoma:ye, okolo  kapé ka:pénaméji, okolo gípénaméji odoi nom gíboye, ka:boye. No ngoluk ané agomsok léga:pé dekko ager gerpénamé du:da.Ngolu nokkélok dekko kinpénamé dung ." Agom Lutaddok abudé luto.

  

      Mékél Médagbí na:nké oté:nam agom légangé silíg-siyala ager gernekoai .Abíg anupé la:lendokkébo mimag mola mola, o:rípé  si:jila durgo durgola, lumín-ge:mínsudanla la:len adlen-molenboka .Bí  gomlam, gomsar, ni:tom, mé:tom, odok  agom kémsung potinémsin attung.

   Appíngémyang bottayan agomdé ngoluk ané agomlok si:san ommangém iskullo poyirnané léga:pé daggé:sudanla mimag moboka. Migomém kangkano:pé ru:su-pasula poyirnabitoi émdaggom tadmala mimag mopé ikang. Sodiyatokké Borolibo:pé takamé régíng émna lenna maka. Bí odo ru:tumpé igé-gígébola mimag modolo pulisé 

édíloi alé-alag  géggédopé démkosuka. Mé:mapé ,matí matíla ,amírém démmukkosula:ka. Alé alag géggé:dopé démnamdé su míjitoném kilendungku.

su ané agomlok ajjin ommangém poyirla:dung.Mékél Médogbí dagrabbola, a:ng píta:bola igé-gígéboma:nga:mílo, migomé poyirnapé tolíkpémangai.

Mola:ma:la, Lokimpur kinam ka:sukolo gíala Agom Lutadlok abudé odok takamé gíla oddung bím "Agom abu" amíném bito.

Doksiri দকচিৰি, অক্টোবৰ, ২০২৩