গানৰ সুৰ
বিশ্বজিত শইকীয়া
কাৰ্বি আংলং
গান এটা বাজিছে
সুৰটো ৰাতিৰ মৌনতাতকৈ বেছি চেঁচা
হাড়ৰ গাঁঠিবোৰে জঠৰ বান্ধিছে
দেহত তেজৰ চেকুঁৰা পাতিছে
তেওঁৰ মুখত হুমুনিয়াহ এটাৰ সৈতে আছিল
কিছুমান উভতি নহা উশাহৰ হিচাপৰ চিন ।
জুহালত কাঠখৰিৰ গান এটা বাজিছে
সেই জুইৰ তাপত কোনোবাই
জীৱনটো সেকিছে
যৌৱন উমাইছে
সপোন তপতাই গজ-গজীয়া কৰি লৈছে
জুহালৰ কাঠখৰিৰ গানটোত বাজিছে
তপত চাহৰ সুগন্ধি সুৰ,
কাঠখৰিৰ গান এটা মৰিশালিতো বাজিছে
সেই গানৰ সুৰ
শিৱম সুন্দৰম্।
Doksiri দকচিৰি, অক্টোবৰ, ২০২৩
No comments:
Post a Comment