পথ
নৱনীতা ডেকা
এন্ধাৰৰ চোকোৰাত খুঁটিয়াই
এজাক হাঁহিক বাট মোকোলাই দিয়ে
তেওঁলোকে
এটা এটা কৈ আখৰ কেইটা
চুই চায়
শি ক্ষ ক
প্ৰত্যেক বাৰে হাতখন
আঁতৰাই আনিছিল৷
ইমান উজ্জ্বল
ইমান ধৈৰ্য্য
ইমান সততা
অথচ্ একে ঠাইতে ৰৈ থাকে
সিহঁতক আগবঢ়াই দি
নিজে
ৰাষ্ট্ৰীয় ঘাই পথৰ দৰে
ব্লেক বোৰ্ড আৰু চকৰ ঘৰ্ষণত
বছৰবোৰ বন্দী
ফুল কলিৰ পৰা
বট বৃক্ষ হোৱা বাস্তৱক আকোঁৱালি
চছমাৰ তলত ধিমিক কৈ জ্বলে
তাহাঁনিতে ঐ চলিহাত বুলি
শাসনতে ৰঙা হোৱা
এতিয়া এহাল বৃদ্ধ চকু।
Doksiri দকচিৰি, ছেপ্টেম্বৰ, ২০২৩
No comments:
Post a Comment