এদিন সকলোবোৰ
পবিত্ৰ বৰগোহাঁই
শিলবোৰো বোলে এটা আয়ুস থাকে
যাক আমি চিৰস্থায়ী বুলি ভাবো
আৰু এদিন শিলবোৰো মৃত্যু হয়
কিন্তু শিলবোৰৰ কোনো অহংকাৰ নাথাকে
শিলৰ নাথাকে কোনো মায়া
অথচ শিলৰ বুকুতে লিখা থাকে
জীৱশ্ৰেষ্ঠ মানুহৰ ইতিহাস
জন্মৰ পিছতে মানুহবোৰ
কিয় বাৰু মায়াত আৱদ্ধ হয়
পৃথিৱীতকৈ মায়াবী নগৰ ক'ত আছে
য'ত মৰি মৰিও জীয়ে নতুবা
আৰু লাগে আৰু লাগে কৈ মৰে ।
এদিন শিলবোৰৰ দৰে সকলোবোৰ
ইতিহাস হয়
ইতিহাস পঢ়িব নজনা মানুহবোৰেই
এদিন ইতিহাসে ঢুকি নোপোৱা হয়।
Doksiri দকচিৰি, ডিচেম্বৰ, ২০২৩
No comments:
Post a Comment