ASIN ODUNG
Dipkesh Kaman
Ayadé Lodípé du:yar tíyé,
Ayadé du:yarmíl arré ka:yé.
Daktok ésar sardung Gímur po:lo:so
Ligangém bo:rik su:danna.
Nomé asín odung yumdeng ayirso
Anyingém mitpan danna
Léko:ném ké:rap gíge:l doying kíbilang
Asinang agomko yéruso kíalang
Lo:dípé ko:ua no ayangko bílang
Akunpé kunla mépébong
Aya:dém rínna lé:pébong......
Amíké mé:namém kayé:mílo
Pumsul gíjon sudag,
Ngokké mé:namé mé:yémílo
Asiném ní:pin mo:dag.
Bírdugé asinsé bíré:la bírkursudag
Líjígné asinsé ayangém siggod ligdag
No ngoké émna,
Gí:bugné lamtédo gí:ma:mílo
Asid du:mí:l gípomayé,
Síbug asinso mé:ma:mílo
Lédup mé:mil méngguma:yé.
Sikurné a:nédé rago:dém kínggí:modag
Mé:namé asinsé ayangém jarsumodag
Ko:kangarémpé
Doksiri দকচিৰি, জানুৱাৰী, ২০২৪
No comments:
Post a Comment