RA:SOR
Debanondo Pe:gu
Guné tula:lo írsunéma,guné asilo írsuné
Lekkem érang éra:lo du:dagai
Siyum-sí:ro kangkinma:nésin dung
Pímé:né akiyém pítamodag
A:ng kama:né taniyégom sumnyo apkolo gímodag
Yumdéng ayirdo ta:to-ya:yoké I:sor dígéngé
Urom apin,dodga:lo gíkum-gípa:la luse senané
Anyí,aumko gíkumsumíloi mé:pola do:yíng kínané.
Ongo adin pongkogdo du:nggr:la írga:bonné
Alo,mírsí sitírdé bík dogné doksiriyé.
Aso: aso:pé bíkké yumdéng ayiré a:dung
Do:pín potinnok gompirpé pirla lé:pa:yé.
Siyum-sí:ro omma:ngé nínggén-ní:rénsudag.
Bojarlok amik artégné donamé bík kungke:dém tetpagdung
Bík lédulo yalopé yabgo:mínné namsíng,ngosanbí:sin
Sagí gíla: gíla bíggíngkolo do:nyi oa:pé lenmíndungku.
Doksiri দকচিৰি, জানুৱাৰী, ২০২৪
No comments:
Post a Comment