মধু-ৰমলা
পৱন বৰ্মন
ইউ.পি. ৰপৰা পোনে পোনে মধুদা ৰাসলৈ ওলাল-
গনেশ মন্দিৰত
থিয় হৈয়ে মধুদা অবাক
ভাব হ'ল কলি যুগতো তেওঁৰ মহিমা অপাৰ!
ঠেলা-হেঁচা কাটি-কৰি পাৰ হওঁতে চেণ্ডেলযোৰ ছিগিল!
মিনা বাজাৰ, যাদু, ডিস্ক'ডান্স আৰু কত কি...
থিয়েটাৰৰ পাঁচটাকৈ দৰ্শনী-
পকেটমাৰ
চিগাৰেটৰ ধোঁৱা
ভঙা বটল
শীতক নেওঁচি স্বল্পবস্ত্ৰা ৰমলা...
হৰি মন্দিৰ পাওঁতে পাওঁতে মধুদাৰ অৱস্থা কাহিল
কোনোমতে ওলাই মধুদা, হাউলি পালেগৈ
তাতো একেই-
এশ টকাত ৰেঞ্জ ৰ'ভাৰ
লানি নিছিগা সোঁত
ধৰাহ'ল মধু - শ্ৰীকৃষ্ণ
ৰমলা - ৰাধা
মধুদাৰো হেঁপাহ ৰমলাক ৰেঞ্জ ৰ'ভাৰত উঠাই
বৃন্দাবন ফুৰোৱা-
Doksiri দকচিৰি, জানুৱাৰী, ২০২৪
No comments:
Post a Comment